دہلی میں سیریل انسٹاگرام اسٹاکر گرفتار، خواتین کا پیچھا کرنے اور دھمکانے کا الزام


پولیس ڈپٹی کمشنر نے کہا کہ 17 مارچ کو نیشنل سائبر کرائم رپورٹنگ پورٹل پر ایک شکایت موصول ہوئی تھی جس میں شکایت دہندہ نے کہا تھا کہ کسی نے کئی فرضی انسٹاگرام اکاؤنٹ بنائے ہیں اور دھمکیاں دے رہا ہے۔

سوشل میدیا
سوشل میدیا
user

Engagement: 0

دہلی پولیس نے ایک 22 سالہ شخص کو گرفتار کیا ہے جو فوٹو شیئرنگ پلیٹ فارم انسٹاگرام کے ذریعہ خواتین کا پیچھا کرتا تھا اور انھیں دھمکاتا تھا۔ جمعہ کو ایک پولیس افسر نے بتایا کہ متھن تیواری کے طور پر پہچانے جانے والے ملزم نے خواتین کا پیچھا کرنے کے لیے کئی فرضی انسٹاگرام اکاؤنٹ بنائے ہوئے تھے۔

پولیس ڈپٹی کمشنر (ڈی سی پی) منوج سی نے کہا کہ 17 مارچ کو نیشنل سائبر کرائم رپورٹنگ پورٹل پر ایک شکایت موصول ہوئی تھی جس میں شکایت دہندہ نے کہا تھا کہ کسی نے کئی فرضی انسٹاگرام اکاؤنٹ بنائے ہیں اور اس کا اغوا کرنے اور تصویریں وائرل کرنے کی دھمکی دے رہا ہے۔

پولیس نے جنوب مغربی ضلع کے سائبر پولیس اسٹیشن میں تعزیرات ہند کی دفعہ 354 ڈی (پیچھا کرنا) اور 509 کے تحت معاملہ درج کیا اور جانچ شروع کی۔ جانچ کے دوران پلیٹ فارم کی لاء انفورسمنٹ ایجنسی نے مشتبہ انسٹاگرام آئی ڈی کی تفصیل مانگی گئی اور سروس دہندگان سے ایک موبائل نمبر اور کچھ آئی پی ایڈریس حاصل کیے گئے۔

ڈی سی پی نے بتایا کہ ان کا جائزہ لینے پر مشتبہ متھن تیواری کی شناخت مذکورہ فرضی انسٹاگرام اکاؤنٹ کے صارف کے طور پر کی گئی۔ اس کے بعد پولیس نے ٹیم تشکیل دے کر چھاپہ ماری کی اور ملزم کو گرفتار کر لیا۔ پولیس نے کہا کہ انھوں نے ملزم کے پاس سے ایک موبائل فون برآمد کیا ہے جس کے پانچ انسٹاگرام اکاؤنٹ تھے۔ معاملے کی جانچ اب بھی جاری ہے۔

قومی آواز اب ٹیلی گرام پر بھی دستیاب ہے۔ ہمارے چینل ([email protected]) کو جوائن کرنے کے لئے یہاں کلک کریں اور تازہ ترین خبروں سے اپ ڈیٹ رہیں۔




Source link

(Visited 4 times, 1 visits today)
Share this...
Share on Facebook
Facebook
0Tweet about this on Twitter
Twitter
0 0 votes
Article Rating
Subscribe
Notify of
guest
0 Comments
Inline Feedbacks
View all comments