لگتا ہے عمران خان اب ذہنی توازن کھو چکا ہے، ناصر حسین شاہ


فوٹو: فائل
فوٹو: فائل

وزیرے بلدیات سندھ ناصر حسین شاہ نے کہا ہے کہ لگتا ہے کہ عمران خان اب ذہنی توازن کھوچکا ہے۔

چیئرمین پاکستان تحریک انصاف (پی ٹی آئی) عمران خان کی سیالکوٹ جلسے کی تقریر پر ردِعمل دیتے ہوئے ناصر حسین شاہ کا کہنا تھا کہ آج عمران کی تقریر ایک شکست خوردہ شخص کی تقریر تھی۔

صوبائی وزیر بلدیات نے کہا کہ آج عمران خان کے پا س کچھ بتانے کے لیے نہیں تھا تو انہوں نے آج اپنے قتل کا شوشا چھوڑا۔

ناصر حسین شاہ کا کہنا تھا کہ لگتا ہے عمران خان اب ذہنی توازن کھو چکا ہے، میرا مشورہ ہے کہ تحریک انصاف والے عمران کو کسی اچھے نفسیاتی ڈاکٹر کو دکھائیں۔

انہوں نے کہا کہ اگر چاہیں تو ہم ان کو گدو کی نفسیات وارڈ میں داخل کرسکتے ہیں۔

ناصر حسین شاہ کا کہنا تھا کہ چیئرمین پی ٹی آئی عمران خان نے اپنے قتل کی سازش کی ویڈیو فرح گوگی کے پاس رکھی ہے۔





Source link

0 0 votes
Article Rating
Subscribe
Notify of
guest
0 Comments
Inline Feedbacks
View all comments